القائمة الرئيسية

الصفحات

لية بنحب زمان





لية بنحب زمان ؟ 

زمان جميل بزكرياتة وحكياتة اللى عمرها ماتتنسى أيام ماكنا نلعب ويعدى المدرس نوقف اللعب ونختفى من المكان كان للمدرس هيبة وإحترام كبير وحب كان يومنا يبدأ من الساعة 7 صباحا على أغنية "ياصباح الخير ياللي معانا" لأم كلثوم أونروح المدرسة ؛؛ على اغنية بالسلامة يا حبيبى بالسلامة ) 


 وكنا بنكتب الدرس ٤ او ٥ مرات لغاية  ما نحفظة من غير دروس ولا مساعدة  وكنا فى الفسحة بنقسم مع صاحبنا المصروف واللقمة وكنا أحياناً نعمل غديوة كل واحد يجيب حاجة وناكل مع   بعض في المدرسة ونضحك من قلبنا ومش عارفين أننا بناكل عيش وملح مع بعض وأحنا لسة الكبير فينا لا يتعدى 7 سنين  وكان لو لنا صديق مرض نتجمع بالليل ونشترى 2 كيلو برتقال ونروح نزورة على عكس دلوقت الأخ بيبقى مشوار زيارة لأختة أو أخوة تقيل علية سبحان الله معقول  طفل زما اعظم من رجل دلوقت


أحنا اللى كان الشارع مصدر الأمان واللعب  لينا وسط الجيران والصحاب والأهل

 كنا وكان أجمل أيام واجمل لعب كان فى الشارع كانت أستغماية وعسكروحرامية والأولى  وعلى العصر نسمع تتر مسلسل مازنجر نجرى نسمع الحلقة وأول ما تخلص نطلع نحكيها لبعضنا تانى بالتفصيل ونستنى مسلسل الساعة 7 ونسمعة ونام بعدة ونبقى مبسوطين جداً


ولا كان فى تابلت ولا موبيل ولا أنترنت ولا فيس بوك ولاى أي شيئ  للأسف دلوقت  الناس  اصدقاء للموبيلات  من خلالة يهنئون بعض ويصالحون بعض ويتابعون أخبار بعض من خلال صفحات التواصل الأجتماعى حياة الحب عن بعد على عكس زمان كانت حياة بسيطة سهلة هادية وترجمة الحب فيها بأعمال ومواقف مش بليك أومشاركة .


وكل واحد لة احترامة إحترام الكبار والأقارب وكان أهالينا دايما يفتخروا بأدبنا وأخلاقنا بجد أنا من عشاق ايام زمان ولكن بما أنه بقى زمان خلاص الله يرحمة كان طيب أما دلوقت نتعايش لان فى حكمة بتقول أذا لم تجد ما تحب فحب  ما تجد ولكن نحبة بطبع وبأصول زمان  لانزمان بيسموة جيل العظماء والطيبين وأعتقد أن لسة فى ناس من الجيل دة يبقى طالما فى عظمة وطيبة 


يبقى حتماً مفيش خوف .

 


reaction:

تعليقات